كتب ـ هاني إبراهيم:
تواصل مبادرة “يوميات مفيدة لحياة سعيدة” رسائلها التوعوية الهادفة إلى نشر ثقافة ترشيد استهلاك المياه داخل المنازل، حيث ركزت في حلقتها الجديدة على العادات اليومية في المطبخ وكيفية الطهي بطريقة توفر المياه والوقت والجهد:
“هناكل إيه النهارده؟.. دايمًا بنسمع جملة إن الستات بيضيعوا عمرهم في المطبخ، وعلشان كده قررنا نساعدك ونوفر عليك وقت ومجهود، ومش بس كده، كمان توفري مياه وفلوس. إزاي؟ هنقولك على حاجات بسيطة وسهلة ممكن تعمليها وأنتِ بتفكري في أكلة اليوم:
-تقليل الكميات .. حضرى كمية مناسبة لعدد الأشخاص الموجودة في البيت
-استغلال بقايا الأكل .. يعني لو عندنا بواقي أكل ممكن نستغلها وندخلها في وصفة جديدة
-تحضير وجبات كاملة .. يعني حاولي تفكرى في أكلات ممكن تتعمل في حلة واحدة
-تقليل هدر المياه .. استخدمي المياه علي قد احتياجك وده تقدرى تعمليه لما بتخرجي اللحمة أو الفراخ المجمدة بدل ما نسيبها تحت الحنفية ممكن نطلعها قبلها بوقت كافي
-تجنب شطف الأطعمة تحت الماء الجاري.. يعني بدل ما نغسيل الأطعمة تحت الماء الجاري، استخدمي وعاء اغسلي الأطعمة فيه
-إعادة استخدام ماء الشطف .. لما بنشطف الأرز او البقوليات الخضروات، استخدمي الماء الناتج عن الشطف لري النباتات أو تنظيف المطبخ.
-استخدام الطهي بالبخار.. الطهي بالبخار بيحتاج كمية أقل من الماء مقارنة بالطهي التقليدي، ويحتفظ بالفيتامينات والمعادن في الأكل.
-استخدام غطاء الحلة .. استخدمي غطاء الحلة للحفاظ على البخار والماء داخل الحلة، وده هيقلل من الحاجة إلى إضافة كمية إضافية من الماء.
-التخطيط المسبق للطهي.. خططي للوجبات واختاري الوصفات اللي بتحتاج لكميات قليلة من المياه.
-تحضير الطعام بشكل متكامل .. استخدمي طرق طبخ تعتمد على تقليل كمية الماء، زى الشوى أو التحميص، بدلاً من الغلي.
-استخدام مقياس المياه .. استخدمي قياسات دقيقة للمياه عند الطبخ، وتجنبي إضافة الماء بشكل زيادة.
واختتمت المبادرة حلقتها برسالتها التوعوية: “بعادات بسيطة هنغيرها.. المياه هنقلل إهدارها، ومتقولش هي جت عليا.. أيوه جت عليك، لأن كل نقطة بتفرق.”
